Floriana Ajax Premier Cars u Ħamrun Bayern A jinsabu t-tnejn li huma fl-ewwel post tal-klassifika tal-kampjonat tal-Ewwel Diviżjoni tal-Malta Darts Association wara rebħiet konvinċenti li kisbu kontra t-tieni tim tagħhom
Floriana Ajax Premier Cars rebħu 6-2 lil Floriana Ajax MCP filwaqt li Ħamrun Bayern A kisbu l-istess skor kontra t-tim B.
Żejtun Laċċi jinsabu punt biss bogħod mill-quċċata wara li ddominaw għal kollox lil PO’s Bar Gudja tant li rebħu 8-0.
Birżebbuġa Lions komplew iżommu r-raba’ post wara skor konvinċenti ta’ 5-3 kontra Sliema Lounge A.
Fit-tieni diviżjoni, Birgu Boċċi Club A baqgħu l-leaders wara li għelbu lil Cox Sports Bar 6-2.
Domus Men’s jinsabu tliet punti ‘il bogħod mill-Ġirbin wara rebħa kbira ta’ 8-0 kontra Leah’s Bar A.
Duke’s Bar żammew il-konsistenza tagħhom wara li għelbu lil Top Gun 6-2 filwaqt li Beland Żejtun kisbu t-tieni rebħa staġjonali wara riżultat ta’ 7-1 kontra Żebbuġ Rangers Darts Team.
Fit-tielet diviżjoni, tliet timijiet qegħdin jissieltu għall-promozzjoni bil-leaders Leah’s Bar B li rebħu l-konfront dirett kontra Birgu Boċċi Club B 6-2.
Sadanittant, Sliema Lounge B, Tal-Balklor Senglea u Żejtun Laċċi Maypole kisbu skor identiku ta’ 5-3 kontra Tal-Ġilju Darts Team, Domus Ladies Team u Nicolo Isouard rispettivament.
KLASSIFIKA – MDA L-EWWEL DIVIŻJONI
Floriana Ajax Premier Cars A, Ħamrun Bayern A 20, Żejtun Laċċi A 19, Birżebbuġa Lions 14, Sliema Lounge A 7, Floriana Ajax MCP 6, PO’s Bar 2, Ħamrun Bayern B 1.
KLASSIFIKA – MDA IT-TIENI DIVIŻJONI
Birgu Boċċi Club A 22, Domus Men’s 19, Duke’s Bar 18, Top Gun 13, Żebbuġ Rangers DT, Beland Żejtun 7 , Cox Bar 6, Leah’s Bar 0
KLASSIFIKA – MDA IT-TIELET DIVIŻJONI
Leah’ Bar B 25, Żejtun Laċċi Maypole 21, Birgu Boċċi Club B 20, Tal-Balklor Senglea 13, Munchies Bar 9, Mqabba Tal-Ġilju, Nicolo Isouard, Domus Ladies 7, Sliema Lounge B 4.
