Titti, il-kelba famuża għal mod kif kienet taqbeż minn fuq l-irdumijiet għal baħar, mietet iktar kmieni llum.
Il-kelba tar-razza Jack Russell Terrier saret magħrufa għal mod kif kienet taqbeż ma’ sida speċjalment ħdejn il-bajja ta’ St. Peter’s Pool f’Delimara.
Titti kisbet l-ammirazzjoni ta’ diversi Maltin u turisti, b’diversi minnhom kienu jerħulha lejn Delimara sabiex jaraw b’għajnejhom stess din il-kelba tant akrobatika.
F’messaġġ fuq il-midja soċjali, sid il-kelba Carmelo Abela sellem il-memorja tal-kelba u li se tibqa’ f’qalb il-familja tiegħu għal dejjem. Huwa rringrazzja wkoll lill-pubbliku tas-sapport li dejjem taw lil kelba tul ħajjtiha.
