Clifford Galea diġà ħareġ ktieb bl-isem ta’ ”Nifs, li kważi kissirni” fejn spjega l-esperjenza tiegħu tal-addictions. Tlugħ u nżul, qtiegħ il-qalb u suċċess. Dan il-ktieb kien inbiegħ fit-3 ġimgħat, reġa’ ġie stampat u reġa’ nbiegħ kollu.
Din id-darba jmiss li joħroġ it-tieni ktieb, iżda bl-Ingliż. Bl-isem ta’ ‘Defeat is a Temporal Downfall‘, Clifford ikompli jispjega l-battalji ta’ nies li jgħaddu mill-problema ta’ addiction. Għalkemm, huwa sofra l-addiction tad-droga, addictions jinsabu f’diversi forom fosthom xogħol u ikel. Għalkemm is-soċjetà tiġġudika, din titqies xjentifikament bħala marda.
Clifford ifisser li ma jfissirx li bniedem li jieqaf huwa eroj, għaliex waqgħat ikun hemm diversi. Biss spjega kif dejjem importanti li titkellem ma’ nies viċin tiegħek, affidabbli u nies li huma fil-qasam tal-kura tal-addictions, biex terġa’ tiġbor lilek innifsek. Huwa messaġġ importani li ħadd m’għandu jaħseb li huwa aħjar minn ieħor, għax kapaċi tinduna bl-addictions ġaladarba tgħaddi minnhom. “Illum jien, għada int.” Dan huwa manwal ta’ kuraġġ għal dawk li jsofru minn addictions.
Dan il-ktieb li sar bl-għajnuna tal-FSWS (Fondazzjoni għall-ħarsien tas-servizz soċjali) mistenni joħroġ fil-ġimgħat li ġejjin u jinstab fil-ħwienet ewlenin.
