Dolores Aveiro, omm Cristiano Ronaldo, temmet spekulazzjonijiet dwar il-futur ta’ binha b’The Sun tirrapporta li qalet li jinsab kuntent mal-klabb ta’ Real Madrid u li jixtieq itemm il-karriera tiegħu fil-kapitali Spanjola.
Għal iżjed minn darba kien qiegħed jiġi rrappurtat li l-istilla ta’ 31 sena kien se jerġa’ jissieħeb ma’ Manchester United. F’rapporti oħrajn intqal li d-diriġenti ta’ Ronaldo kienu għaddejjin b’diskussjonijiet mal-Paris Saint Germain u l-MLS.
Il-captain tat-tim Portugiż huwa l-aktar plejer ta’ Real Madrid li skurja gowls fil-La Liga. F’dan l-istaġun skurja 47 gowl fil-kompetizzjonijiet kollha, inkluż 16 fiċ-Champions League.
