Ilbieraħ filgħaxija, il-plejer tal-futbol Portuġiż Cristiano Ronaldo kiteb l-istorja hekk kif skurja d-900 gowl fil-karriera tiegħu.
Dan hekk kif il-plejer ta’ 39 sena skurja 131 gowl mat-tim nazzjonali Portuġiż, waqt li skurja 769 gowl mat-timijiet li kien magħhom fil-karriera tiegħu. Fost dawn hemm Manchester United, Read Madrid, Juventus u t-tim preżenti, Al Nassr.
Huwa laħaq dan it-tragward fil-logħba t-tim nazzjonali Portuġiż kellu kontra t-tim nazzjonali Kroat, bħala parti mill-kompetizzjoni tal-UEFA Nations League. Bil-Portugall rebaħ din il-logħba bl-iskor ta’ 2-1.
Wara l-logħba, Ronaldo qal li jinsab emozzjonat li laħaq dan it-tragward.
Wara Ronaldo, bl-aktar gowls skurjati hemm il-plejer Arġentin, Lionel Messi u wara l-leġġenda Brażiljan, Pelé.
