Cospicua Rangers telgħu fl-ewwel post tal-klassifika tal-kampjonat nazzjonali tal-Blackball meta s’issa kisbu punti massimi fl-erba’ logħbiet li lagħbu.
Kampjonat Nazzjonali
Matul din il-ġimgħa l-Bormliżi kisbu żewġ rebħiet kontra Ħamrun 147 B (11-4) u Jojo’s Birżebbuġa (11-5) sabiex qabżu lill-istess avversarji fil-klassifika.
F’aktar logħbiet li ntlagħbu, Ħamrun 147 A saħħew it-tieni post wara skor ta’ 11-8 kontra Ħamrun 147 C filwaqt li Selmun Sports Club A kisbu riżultat pożittiv ta’ 11-5 kontra Domus Kids Zejtun.
Ħamrun 147 B irkupraw mit-telfa kontra l-Bormliżi wara li għelbu lil San Ġwann Boċċi 11-3.
KLASSIFIKA – KAMPJONAT NAZZJONALI
Cospicua Rangers 12, Jojo’s Birzebbuġa, Ħamrun 147 A 10, Selmun Sports Club A 9, Ħamrun 147 C, Ħamrun 147 B 6, San Ġwann Boċċi 3, Domus Kids Zejtun 0.
Kampjonat Reġjonali
Qormi Anici Boys komplew bir-rekord perfett f’dan il-kampjonat meta kisbu l-ħames rebħa konsekuttiva wara skor ta’ 11-7 kontra Birkirkara Boċċi. Fit-tieni post hemm il-ġirien Qormi Pinto li għelbu lil Qormi Anici Stars 11-7 fid-derby.
F’aktar riżultati, San Ġwann Tiki Taka A kisbu rebħa ta’ 11-1 kontra Birkirkara Juve filwaqt li Cospicua Rangers B u San Ġwann Tiki Taka B kellhom rebħiet identiċi ta’ 11-8 kontyra Qormi Anici Lions u Qormi Anici Stars rispettivament.
KLASSIFIKA – KAMPJONAT REĠJONALI
Qormi Anici Boys 15, Qormi Pinto 13, San Ġwann Tiki Taka A 10, Cospicua Rangers B, Birkirkara Boċċi 9, San Ġwann Tiki Taka AB 6, Qormi Anici Lions, Qormi Anici Stars 3, Birkirkara Juve 0
Community League – Sezzjoni A
PL Balzan qed jikkmandaw din is-sezzjoni wara erba’ rebħiet konsekuttivi. Huma ddominaw il-konfront kontra Siġġiewi Montekristo tant li rebħulhom 11-1, l-istess bħalma għamlu Qormi Anici Cappadoica kontra Attard Scorpions. San Ġwann Tiki Taka C għelbu lil Zebbuġ St Joseph 11-8 filwaqt li kien hemm draw ta’ 10-10 bejn PL Floriana u Selmun Sports Club B.
KLASSIFIKA – COMMUNITY LEAGUE – Sezzjoni A
PL Balzan 12, San Ġwann Tiki Taka C, Qormi Anici Cappadocia 9, PL Floriana, Zebbuġ St Joseph, Selmun Sports Club B 4, Siġġiewi Montekristo 3, Attard Scorpions 1.
Community League – Sezzjoni B
Qormi Anici Calleja Ltd s’issa qed jiddominaw din is-sezzjoni u l-ġimgħa l-oħra wrew il-potenzjal tagħhom wara skor ta’ 11-4 kontra Selmun Sports Club C. Kien hemm partita bilanċjata bejn Qormi San Bastjan u Gzira Titans bl-iskor finali jkun dak ta’ 10-10 filwaqt li Valletta Fossa Boys għelbu lil Mrieħel Billiard House 11-1.
KLASSIFIKA – Community League – Sezzjoni B
Qormi Anici Calleja Ltd 12, Valletta Fossa Boys 9, San Ġwann Tiki Taka D 6, Gzira Titans 4, Selmun Sports Club C 3, Qormi San Bastjan Boċċi 1, Mrieħel Billiard House 0.
