Cospicua Dynamos jirbħu l-Easter Cup tal-Assoċjazzjoni Pool

Cospicua Dynamos FC huma r-rebbieħa tal-Easter Cup tal-kategorija l-Ewwel u t-Tieni Divizjoni organizzata mill-Malta Pool Association. Fil-finali t-tim Bormliż xejjen l-isfida ta’ Sixteen Seven Fgura bl-iskor konvinċenti ta’ 11-6.  Dynamos kisbu vantaġġ ta’ 4-1 fi tmiem l-ewwel sezzjoni u żammew l-istess ritmu biex għalqu t-tieni sezzjoni bl-iskor ta’ 8-2.  It-tim tal-Fgura naqqas id-distakk ghal 9-6 fit-tielet sezzjoni pero żewġ clearances mill-isbaħ ta’ Fiteni u Fenech taw rebħa mistħoqqa lit-tim Bormliz li niżżel ismu bħala rebbie għall-ewwel darba f’ din il-kompetizzjoni.

It-tim ta’ Cospicua Dynamos FC kien kompost minn Ray Caruana, Edmond Fenech, Darren Schembri, Antione Schembri, Liam Mifsud, Christian Grech u Joseph Fiteni.