Etienne Bonello u Marie Claire Aquilina tat-Team Greens rebħu t-tiġrijiet prinċipali, fl-ahhar gurnata tal-Kampjonat Nazzjonali tat-Time Trial organizzat mill-Federazzjoni Maltija taċ-Ċikliżmu. Dan kien success doppju ghat-Team Greens bhal ma kienu ghamlu fl-ewwel gurnata. Filfatt Etienne Bonello spiċċa l-ewwel fil-Kategorija Elite meta temm it-tiġrija tiegħu f’ħin ta’ 02:28.64. Warajh daħal Pierre Borg ta’ Mosta AF Sign Studio CC (02:33.10), filwaqt li fit-tielet post spiċċa Matthew Dalli (Agones SFC (02:35.70). It-tiġrija tan-Nisa rriżultat f’waħda dominata minn ċiklisti tat-Team Greens, fejn Marie Claire Aquilina spiċċa fuq quddiem f’ħin ta’ 03:03.07. Warajha dahlet sehbitha Diane Muscat (03:20.46) u Marquita Muscat ta’ The Cyclist spiccat it-tielet (03:57.94).
Stefan Scerri rta’ Gozo CC rebaħ il-Kategorija Under 23 f’ħin ta’ 02:31.76. Fit-tieni post spiċċa Luke Borg ta’ The Cyclist (02:42.89) u it-tielet spicca d-debuttant Daniel Briffa ta’ B’kara St Joseph (03:24.39). Justin Gauci ta’ Mosta AF Sign Studio CC rebah il-Kategorija tal-Masters 40+ f’hin ta’ 02:33.76. Warajh daħlu rispettivament Ivan Zammit ta’ B’kara St Joseph (02:45.03) u Liran Ben Ari ta’ Agones SFC (02:59.43). Mario Attard tat-Team Greens rebaħ l-Kategorija Masters 50+ f’ħin ta’ 02:50.38.
Jacob Schembri ta’ Mosta AF Sign Studio CC reġa rebaħ il-Kategorija tal-Juniors (02:31.15), filwaqt li Ishmael Grima ta’ Shamrock Stars spiċċa l-ewwel fil-Katerorija tal-Under 16 f’ħin ta’ 03:21.65. Warajh daħal Matthew Galea ta’ Gozo Cycling Club (04:28.66).
Saru wkoll it-tiġrijiet taż-żgħar fejn fil-Kategorija ta’ taħt l-14 –il sena, spiċċa fl-ewwel post Ryan Gatt ta’ The Cyclist (03:06.05). Fil-Kategorija ta’ taħt it-12 – il sena, hareg rebbieh Liam Daly ta’ Shamrock Stars f’hin ta’ 03:07.74. Warajh spiccaw rispettivament siehbu Niel Cassar (03:30.19) u Kia Debono ta’ TriGozo (04:05.78). Nina Debono ta’ Shamrock Stars spiċċat l-ewwel fl-istess kategorija Feminili f’hin ta’ 04:56.93.
Fi tmiem din it-tiġrijiet saru l-premjazzjonijiet tal-medalji minn John Zammit u Joe Bajada, President u Segretarju Ġenerali rispettivament tal-Federazzjoni Maltija taċ-Ċikliżmu.
It-tiġrija li jmiss ser tkun it-tielet u aħħar waħda mill-Kampjonat tat-Triq f’Ta’ Xħajma, Nadur, Għawdex nhar il-Ħadd li ġej 24 ta’ Lulju 2022 li tibda fis-7:15am bit-tiġrijiet taż-Żgħar, liema tiġrijiet jgħalqu l-Kampjonati organizzati mill-Federazzjoni Maltija taċ-Ċikliżmu.
