Ċiklist ta’ 36 sena qed isofri minn ġrieħi gravi wara li dalgħodu safa mtajjar minn karozza f’Baħar iċ-Ċagħaq.
L-inċident seħħ għall-ħabta tat-7:45 ta’ dalgħodu fi triq ir-Ridott f’Baħar iċ-Ċagħaq.
Iċ-ċiklist, residenti San Ġiljan, intlaqat minn vettura tat-tip Toyota Vitz misjuqa minn raġel ta’ 29 sena residenti n-Naxxar.
Fuq il-post issejħet ambulanza fejn ħadet liċ-ċiklist l-isptar Mater Dei. Hu nstab li qed isofri minn ġrieħi gravi.
