Ċiklist indarab gravi f’inċident fil-Gżira.
Il-każ seħħ ilbieraħ, għall-ħabta tat-tmienja u kwart ta’ filgħaxija fi Triq D’Argens.
Il-Pulizija marret mill-ewwel fuq il-post u hemmhekk irriżulta li kien seħħ inċident bejn rota, li fuqha kien hemm Rumen ta’ 37 sena jgħix Tas-Sliema, u Peugoet, li kienet qed tinstaq minn raġel ta’ 29 sena mill-Imsida.
Iċ-ċiklist ingħata l-assistenza minn tim mediku, ittieħed l-Isptar Mater Dei b’ambulanza u ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
