“Kienet okkażjoni mill-isbaħ illum, l-ikla li CareMalta organizzaw għar-residenti koppji tagħhom.
Ċelebrazzjoni tal-imħabba u r-rispett li jgħixu ta’ kuljum.”
REKLAM
SKROLLJA BIEX TKOMPLI
Dan kien il-kliem ta’ mart il-Prim Ministru, Dr Lydia Abela, li llum attendiet ikla organizzata minn CareMalta, għall-koppji kollha residenti fil-faċilitajiet tagħhom.
Matul iż-żjara tagħha Dr. Lydia Abela ltaqghet u tkellmet ma’ kull koppja filwaqt li ppreżentatilhom fjura bħala simbolu tal-imħabba ta’ bejnithom.
L-ikla saret f’Villa Messina fejn inħolqot atmosfera romantika iżda ta’ ċelebrazzjoni, biex il-koppji jkunu jistgħu jiċċelebraw l-imħabba tagħhom, f’San Valentinu: il-jum sinonimu mal-maħbubin.
