Il-Brażil huwa l-ewwel tim li kwalfika minn Grupp G meta huma rebħu 1 – 0 kontra Svizzera fit-tieni partita minn dan il-grupp.
L-ewwel taqsima kienet waħda li ftit li xejn offriet emozzjoni biż-żewġ timijiet jinnewtralizzaw lill-xulxin kemm fid-difiża kif ukoll fl-attakk madankollu l-Brażil tjiebu ħafna fit-tieni taqsima u meritatament rebħu l-partita.
Tul it-tieni 45 minuta l-Brażil iddominaw bit-tim Svizzeru kontinwament jiddefendi fit-tentattiv li ma jsofriex il-gowl. Minkejja li kellhom gowl imħassar għal offside, il-Brażil ta’ Tite ma’ waqfux sabiex fit-83 minuta xutt b’saħtu tal-midfielder ta’ Manchester United Casemiro spiċċa fix-xibka ta’ Sommer.
Ir-reazzjoni ta’ Svizzera ma’ waslitx anzi kienu l-Brażil li baqgħu jiddominawhom sal-aħħar mumenti biex rebħu 1 – 0.
Ritratt: NDTV Sports
