Carlo Ancelotti l-ex attakkant tal-Milan u ex kowċ ta’ bosta timijiet kbar fl-Ewropa huwa mistenni li jinħatar il-kowċ il-ġdid tat-tim nazzjonali Taljan.
Imkejjen viċin il-federazzjoni tal-futbol Taljan ikkonfermaw li saru laqgħat ma’ Ancelotti bl-iskop li joffrulu l-kariga filwaqt li laqgħat oħrajn saru ma’ Roberto Mancini li s’issa jidher li ma tantx kellu appoġġ għall-kariga mill-bqija tal-kumitat eżekuttiv tal-FIGC.
Ancelotti se jkollu biċċa xogħol iebsa biex jerġa’ jqajjem il-glorja tat-tim nazzjonali Taljan li ma rnexxielux jikkwalifika għat-tazza tad-dinja fir-Russja.
