Iċ-ċampjin tal-golf Spanjola Celia Barquín instabet maqtula f’ korsa tal-golf f’Iowa, l-Istati Uniti.
B’rabta ma’ dan raġel qed jinżamm arrestat mill-pulizija. Hija kellha biss 22 sena.Barquín se tibqa’ magħrufa għall-fatt li f’Lulju li għadda rebħet il-kampjonat Ewropew tan-nisa fil-golf, u kienet studenta eżemplari f’kulleġġ fl-Istat Amerikan ta’ Iowa.
Hija nstabet tard ilbieraħ filgħaxija wara tfittxija mill-kollegi tagħha wara li nstab il-basket tagħha fuq il-korsa tal-golf. Il-Pulizija mal-ewwel qalet li t-tfajla nqatlet wara li s-suspettat ħebb għaliha.
Skont stqarrija li għaddew lill-midja Amerikana, is-supsettat m’għandux indirizz fiss.
