Il-kelb li ilu mitluf għall-aħħar jiem u ġab flimkien bosta Maltin biex jinstab, Buddy, instab il-Ħadd waranofsinhar u qiegħed għand familtu fil-ġdid. Dan tħabbar fuq il-midja soċjali hekk kif instab il-kelb.
Buddy nstab jiem biss wara li deher fl-inħawi tal-impjant tal-Wasteserve, fejn gruppi ta’ persuni daru madwar l-inħawi b’apparat speċjali biex jinstab il-kelb.
Sid il-kelb wera sodisfazzjon kbir għall-fatt li Buddy nstab qawwi u sħiħ, u jinsab grat għal kull għajnuna li ngħata.
