Is-sorpirżi ma jonqsux fis-semifinali ta’ Brillanti Dance hekk kif il-ġimgħa li għaddiet kemm Raffael u kemm Federica inżammu għal ġimgħa oħra mill-ġurija wara prestazzjoni mill-isbaħ fil-Play-offs tagħhom u b’hekk il-5 semifinali ser tkun qed tħaddan 10 semifinalisti kollha għatxana li jagħmlu isem għalihom infushom, kollha b’tama li jkunu huma r-rebbieħ ta’ Brillanti Dance u jieħdu magħhom €15,000 fi flus kontanti!
Din il-ġimgħa l-isfida ser tkun waħda verament diffiċli li ser twassal għall-eliminazzjoni ta’ dak is-semifinalist li lanqas li ser jimpressjoni l-ġurija. ”Brillanti goes Social Media” – sfida li ser tlaqqa’ lis-semifinalsiti mhux biss mal-mentors uffiċċjali ta’ Brillanti Dance – żfin Malta, iżda wkoll mal-personalita’ ta’ Henry Galea, il-fenominu Malti fil-qasam tal-media soċjali! X’ ser jiġri f’din is-semifinali? x’sorpriżi ħejjew Joseph Chetcuti u t-tim tiegħu ta’ Brillanti lill-10 semifinalisti? u x’ għandhom lest għalina l-istess semifinalisti hekk kif jiżfnu minn qalbhom sabiex jakkwistaw post għall-aħħar semifinali tal-ġimgha ta’ wara?
U fuq kollox il-mistoqsija fuq fomm kulħadd: Min ser jiġi eliminat din il-ġimgha tant viċin għall-Finalissima? Niskopru flimkien dan u ħafna aktar din il-ġimgħa fi Brillanti Dance!
Brillanti jixxandar kull nhar ta’ Ġimgħa fit-8:30pm fuq ONE
