Il-5 semifinali ta’ Brillanti Musicals se teħodna fid-dinja maġika tal-ħolm, Brillanti goes Animated!
It-tensjoni u l-eċitament huma kbar hekk kif iż-żgħażagħ li fadal qed jaraw verament fil-qrib il-ħolma tagħhom issir realta’ – dik li jkunu wieħed jew waħda mill-5 finalisti bil-possibilta’ li jirbhu total ta’ €30,000 għall-avvanz tat-talent uniku tagħhom.
Din il-ġimgħa s-semifinalisti tagħna ser jagħtu l-ħajja lil wieħed jew waħda mill-karattri mitiċi tal-musicals u permezz tal-esebizzjoni brillanti tagħhom, jippruvaw jimpressjonaw lill-ġurija professjonali Charles Brunton, Marina Maniglio u Marco Stabile u għal din il-ġimgha il-mistiedna għal din is-semifinali m’hi ħadd ħlief il-veterana tal-musicals fi Gżiritna, magħrufa għall-karattru mitiku tas-saħħara ta’ Wied Afrid u karattri oħra, personalita’ maħbuba minn kulħadd – ħadd ħlief Mary Rose Mallia!
Fil-programm ta’ din il-ġimgħa s-segwaċi ta’ ONE ser jgħixu ħafna emozzjonijiet, iżda f’din is-semifinali ser jiġri xi ħaġa li ħadd f’mitt sena ma kien qed jistenna! Ħafna sorpriżi u ġrajjiet xejn mistennija hekk kif din il-ġimgħa jitla’ s-siparju għall-5 semifinali li ser iżżomm lis-segwaċi quddiem it-televiżjoni.
BRILLANTI, il-Ħamis fid-8:40pm fuq ONE
