L-imħabba ser tkun it-tema tant mistennija tar-4 semifinali ta’ Brillanti Musicals
Brillanti – Love Story! Din il-ġimgħa, is-semifinalisti li fadal ser joħduna fid-dinja maġika tal-imħabba b’għażla ta’ silta minn xi musical li twassal dan is-sentiment. It-taqtigħa issa ħraxet hekk kif il-ġimgħa li għaddiet, Brillanti sellem wieħed mill-ifjen parteċipanti li ħaddan din is-sena – Nathaniel u kif żgur segwejtu, it-tluq tiegħu mill-kompetizzjoni inħass ferm mis-semifinalsiti li fadal.
Biss kulħadd xammar il-kmiem hekk kif il-jiem gerrbu sabiex waslet semifinali oħra, ir-4 mis-6 semifinali li jwasslu għal-Finali tant mistennja! Il-mentor ta’ din il-ġimgħa m’hi ħadd ħlief il-brava Julie Zahra li bil-kapaċita’ artistika tat tant pariri siewja lis-semifinalisti sabiex ikunu lesti jagħtu għal darb’oħra esibizzjoni mill-ifjen quddiem il-ġurija professjonali internazzjonali tal-programm Charles Brunton, Marina Maniglio u Marco Stabile.
Min ser jgħaddi din il-ġimgħa? min ser ikunu iż-żewġ semifinalisti li jgħaddu għall-play off u min fl-aħħar tal-programm ser jiġi eliminat fi stadju tant importanti u kruċjali?
Brillanti Musicals, garanzija ta’ emozzjonijiet, bravura u sorpriżi.
Brillanti Musicals, ir-4 semifinali tixxandar il-Ħamis 28 ta’ Marzu fid-8:40pm fuq ONE
