F’lukanda ewlenija f’San Ġiljan nhar is-Sibt li ġej se ssir attivita’ ta’ boxing bl-isem REAL STEELE. Matulha se jsiru 11-il glieda boxing: ħamsa minnhom professjonali , ħamsa semi professjonali u waħda amateur.
Tlieta mill-ġlidiet professjonali huma sanzjonati mill-Universal Boxing Organisation, filwaqt li l-ġlidiet l-oħra mill-Assocjazzjoni Maltija tal-Boxing.
Iż-żewġ ġlidiet sanzjonati mill-UBO se jkunu tnejn għat-titlu interkontinentali u ieħor ghal titlu internazzjonali.
Il-boxers li se jieħdu sehem fl-avveniment ta’ nhar is-Sibt se jkunu ġejjin minn ħames pajjiżi differenti, fosthom Malta.
Fost il-boxers ewlenin lokali insibu ismijiet bħal Christian Schembri, Kerstin Brown, Claire Ciantar, Malik Zinad u Fathi Brebesh.
L-ewwel ġlieda nhar is-Sibt tibda fis-7 ta’ filgħaxija, bil-bibien jinfetħu siegħa qabel.
