Dalgħodu, bosta persuni rħewla f’San Ġiljan biex jitlaqqmu kontra l-Covid-19 fil-klinika mobbli li ntramat apposta fil-parkeġġ fi Spinola.
Ritratti fuq il-midja soċjali jixhdu kif reġa’ hemm konkorrenza tajba għat-tilqim.
Dan wara li minn nhar it-Tnejn li għadda beda t-tilqim għal kontra l-virus mingħajr appuntament u anki klinika li qed idur minn post għall-ieħor f’pajjiżna.
Nhar it-Tnejn li għadda, fil-Mosta, tlaqqmu kważi 2,500 ruħ kontra l-Covid-19 u nhar l-Erbgħa li għadda ġewwa ż-Żejtun tlaqqmu aktar minn 1,800 persuna.
Pajjiżna laqqam kompletament kontra l-Covid-19 aktar minn 80% tal-popolazzjoni adulta.
