Illum qed tintalgħab it-tielet ġurnata tal-kampjonati Ewropej li qed isiru f’Killarney l-Irlanda fejn il-ġurnata kienet mimlija logħob tal-kampjonati ndividwali.
Dejan Grech, ex champion Ewropew, Ryan Pisani u Antoine Aquilina għamluha mal-aħħar sittax tal-kategorija tal-irġiel. Fil-kategorija tal-over 50’s ic-champion renjanti Tonio Mifsud ikkwalifika mal-aħħar sittax kif l-istess għamlu Antoine Aquilina, Ray Caruana u Marco Bonello.
Nordai Desira, Steve Muscat u Chaylon Castaldi ikkwalifikaw mal-aħħar sittax tal-kategorija ta’ taħt it-tmintax -il sena kif ukoll l-istess għamlu Casdy Vella u Matthias Debono fil-kategorija taż-żgħażagħ ta’ taħt it-tlieta u għoxrin sena. Fil-kategorija tal-Over 60’s il-players Alfred Attard u John Lombardo għamluha għall-fażi tal-aħħar sittax biex issa l-players ikunu impenjati aktar tard illum f’ round ieħor.
