Bormla tirbaħ ir-Regatta ta’ Jum il-Ħelsien għall-14-il darba fl-istorja tagħhom

Is-Sibt waranofsinhar Bormla rebħu r-Regatta ta’ Jum il-Ħelsien għall-14-il darba fl-istorja tagħhom.

Dan hekk kif Bormla ġabu total ta’ 60 punt.

Wara fit-tieni post ġew il-Birgu b’total ta’ 58 punt u fit-tielet post ġew l-Isla b’total ta’ 48 punt.

Dan filwaqt li Kategorija B intrebħet mill-Kalkara u l-Birgu, hekk kif iż-żewġ distretti ġabu l-istess ammont ta’ punti – total ta’ 48 punt kull wieħed.

Warajhom fit-tieni post ġew Bormla, li ġabu total ta’ 36 punt u fit-tielet post ġew Marsamxett b’total ta’ 22 punt.

Din it-tiġrija saret tmint ijiem qabel il-ġurnata propju tagħha, hekk kif fil-31 ta’ Marzu se jkun ukoll Jum l-Għid il-Kbir.