Ir-regatta ta’ Jum il-Ħelsien intrebħet minn Bormla b’żewġ shields.
ONE News żar il-WaterFront fil-Belt Valletta fejn hemmek tkellem ma qaddiefa minn timijiet differenti dwar il-qadfa tagħhom.
Il-qaddiefa tkellmu wkoll fuq il-preparamenti u t-taħriġ li kull tim jagħmel tul is-sena għaż-żewġ tlielaq li jittellgħu. Kemm dik ta’ Jum il-Ħelsien u kif ukoll ta’ Jum il-Vitorja. Min-naħa tiegħu Kevin madankollu tenna li għalkemm illum inzerta ħarġet ġurnata mill-isbaħ ir-riħ ma kienx favorevoli għal dawk ir-regatti u fregatini li kienu qed jaqdfu fin-naħa ta’ barra tal-Port.
