Bormla rebħu r-Regatta ta’ Jum il-Ħelsien li saret fil-Port il-Kbir il-Ħamis wara nofs-in nhar. Għal Bormla din kienet it-tlettax -il darba li rebħu dan l-unur.
Klabb ta’ Bormla li rebah kemm kategorija A kif ukoll kategorija B.
F’Kategorija A huma kellhom bidu ħazin hekk kif ma ġabru l-ebda punti fl-ewwel tiġrija Tal-Midalji. Dan wara inċident mad-dgħajsa tal-Kalkara u li b’konsegwenza ta’ hekk sfaw skwalifikati. Tiġrija li ġiet mirbuħa mill-Isla segwieti mill-Birgu u Birzebbuġa rispettivament.
Bormla naqqsu wkoll li jirbħu it-tieni tiġrija dik tal-Kajjikki. Huma spiċċaw it-tieni wara r-rebbieħa l-Kalkara. L-Isla daħlu t-tielet.
Il-bormlizi irreagixxew fit-tielet tiġrija, dik Ta’ bi Tnejn permezz tal-qaddiefa ta’ esperjenza Dennis Thornton u Clive Casha. Huma iddominaw din it-tigrija biex daħlu l-ewwel quddiem Marsamxett u Birgu rispettivament.
Bormla rebħu wkoll ir-raba’ tiġrija f’din il-kategorija, dik tal-Kajjikki. Huma daħlu l-ewwel quddiem l-Isla u l-Birgu rispettivament. Dan kien ifisser li l-aħħar tiġrija, dik Ta’ b’Erbgha kellha tkun deċiziva għar-rebħ tax-shield.
Tiġrija li ġiet mirbuħa minn Bormla wara dwell sabiħ mal-Birgu. Birżebbuġa spiċċaw fit-tielet post.
B’hekk fil-klassifika finali Bormla tellgħu total ta’ 64 punt sewgieti mill-Birgu bi 38 punt u l-Isla bi 32 punt, Segwew Birżebbuġa b’14-il punt, Kalkara bi 12-il punt u Marsamxett ukoll bi 12-il punt.
Bormla iddominaw Kategorija B hekk kif rebħu erba’ tiġrijiet minn ħamsa. Huma rebħu l-ewwel tiġrija Ta’ bi Tnejn qudiem il-Birgu u l-Isla rispettivament.
It-tieni tiġrija intrebħet mill-Isla quddiem Marsamxett u Birgu rispettivament.
Bormla rebħu t-tielet tiġrija segwieti mill-Isla u l-Birgu. Il-bormlizi rebħu wkoll ir-raba’ tiġrija, dik tal-Frejgatini. Huma kienu segwieti minn Marsamxett u l-Birgu rispettivament.
Bormla rebħu wkoll l-aħħar tiġrija, Ta’ b’Erbgha. Fit-tieni post daħlu l-Birgu filwaqt li l-Isla temmew fit-tielet post.
B’hekk Bormla tellghu total ta’ 76 punt segwieti mill-Birgu bi 42 punt, l-Isla bi 38 punt u Marsamxett b’16 -il punt.
Il-Birgu rebħu t-tiġrija tal-Frejgatini Nisa permezz tal-qaddiefa Shazel Grima u Glynnis Mizzi, biex il-ġirbin irrepetew is-suċċess li kienu kisbu fir-Regatta tal-Vitorja 2020. Birgu kienu segwieti mill-Kalkara u Bormla rispettivament.
Tiġrija tan-Nisa – Frejgatini
1. Birgu, 2. Kalkara, 3. Bormla
Qaddiefa Birgu: Shazel Grima & Glynnis Mizzi
L-ewwel tiġrija – Kategorija B – Tal-Pass b’żewġt imqadef
1. Bormla 20 punt, 2. Birgu 12-il punt, 3. Isla 6 punti
Qaddiefa Bormla: Charvon Gatt & Cleavin Falzon
It-tieni tiġrija – Kategorija A – Tal-Midalji
1. Isla 20 punt, 2. Birgu 12-il punt, 3. Birżebbuġa 6 punti
Qaddiefa Isla: Redeemer Rapa, Glenn Zammit, Russell Bugeja & Andrè Gauci
It-tielet tiġrija – Kategorija B – Kajjiki
1. Isla 12-il punt, 2. Marsamxett 8 punti, 3. Birgu 4 punti
Qaddiefa Isla: Cayvon Gatt u Ericsen Lia
Ir-raba’ tiġrija – Kategorija A – Frejgatini
1. Kalkara 12-il punt, 2. Bormla 8 punti, 3. Isla 4 punti
Qaddiefa Kalkara: Clyde Mizzi u Davison Micallef
Il-ħames tiġrija – Kategorija B – Tal-Midalji
1. Bormla 20 punt, 2. Isla 12-il punt, 3. Birgu 6 punti
Qaddiefa Bormla: Dusty Cassar, Charvon Gatt, Cleaven Falzon & Yannick Pace
Is-sitt tiġrija – Kategorija A – Tal-Pass ta’ bit-Tnejn
1. Bormla 20 punt, 2. Marsamxett 12-il punt, 3. Birgu 6 punti
Qaddiefa Bormla: Dennis Thornton & Clive Casha
Is-seba’ tiġrija – Kategorija B – Frejgatini
1. Bormla 12-il punt, 2. Marsamxett 8 punti, 3. Birgu 4 punti
Qaddiefa Bormla: Dusty Cassar & Elton Azzopardi
It–tmien tiġrija – Kategorija A – Kajjik
1. Bormla 12-il punt, 2. Isla 8 punti, 3. Birgu 4 punti
Qaddiefa Bormla: Maximilian Mamo & Romario Brignone
Id-disa’ tiġrija – Kategorija B – Tal-Pass b’Erba’ Imqadef
1. Bormla 24 punt, 2. Birgu 16-il punt, 3. Isla 8 punti
Qaddiefa Bormla: Elton Azzopardi, Charvon Gatt, Cleavin Falzon, Yannick Pace
L-Għaxar tiġrija – Kategorija A – Tal-Pass b’Erba’ Imqadef
1. Bormla 24 punt, 2. Birgu 16-il punt, 3. Birżebbuġa 8 punti
Qaddiefa Bormla: Maximilian Mamo, Clive Casha, Dennis Thornton & Jurgen Camilleri
Klassifika Finali (Kategorija A): Bormla 64 punt, Birgu 38 punt, Isla 32 punt, Birżebbuġa 14-il punt, Kalkara 12-il punt, Marsamxett 12-il punt.
Klassifika Finali (Kategorija B): Bormla 76 punt, Birgu 42 punt, Isla 38 punt, Marsamxett 16-il punt.
