St Peters Boċċi Klabb Żabbar rebħu l-kompetizzjoni Knock Out 2X2 meta fil-finali, li ntlagħbet il-Ġimgħa filgħaxija fil-pitch ta’ Sta Lucija, huma għelbu lil Qormi San Bastjan bl-iskor ta’ 21 – 16.
Finali li ntlagħbet quddiem attendenza numeruża u li kienet waħda mill-isbaħ.
REKLAM
SKROLLJA BIEX TKOMPLI
Wara bidu bilanċjat, it-team ‘Ta’ Naqra’ tal-klabb ta’ St Peters mar minn fuq u minkejja li t-team avversarju ta’ San Bastjan żamm il-pressjoni fuqhom, St Peters xorta għarfu jikkontrollaw il-vantaġġ biex ħarġu rebbieħa 21 – 16.
Fi tmiem il-finali saret il-preżentazzjoni mill-President tal-Federazzjoni Boċċi John Clinton Saliba.
