Msida rebħu ċ-Charity Cup organizzata mill-Federazzjoni Klabbs tal-Boċċi. Fil-finali li ntlagħbet il-Ħadd filgħodu fil-pitch ta’ Sta Margerita f’Bormla, Msida għelbu l-isfida ta’ Għaxaq.
Kienet finali mistennija bejn żewġ timijiet li kienu protagonist dan l-istaġun. Għaxaq huma ċ-Champions tal-Kampjonat tal-1 Diviżjoni. Min-naħa tagħhom Msida rebħu l-kompetizzjoni tal-40 Anniversarju filwaqt li ftit jiem biss ilu l-plejer tagħhom Joseph Tabone rebaħ it-titlu ta’ Champion ta’ Malta.
REKLAM
SKROLLJA BIEX TKOMPLI
Il-finali kienet fuq tliet logħbiet. Ir-riżultati kienu kif ġej:
1X1: Msida 11-3 Għaxaq
2×2.: Msida 11-10 Għaxaq
3×3: Msida 25-16 Għaxaq
Fi tmiem il-finali saret il-preżentazzjoni mill-President tal-Federazzjoni Klabbs tal-Boċċi Clinton Saliba.
