Illejla jintemm uffiċjalment l-istaġun tal-Federazzjoni Boċċi hekk kif fil-pitch taż-Żejtun tintlagħab il-finali Knock Out 3X3 għat-Trofew tal-Anġlu.
Finali li se tlaqqa’ lill-kabbs ta’ Msida u St Peter’s Żabbar. Msida rebħu dan it-trofew prestiġġjuż darba, proprju s-sena l-oħra. Min-naħa tagħhom St Peter’s Żabbar rebħu din il-kompetizzjoni tliet darbiet.
REKLAM
SKROLLJA BIEX TKOMPLI
Għalkemm Msida jibdew bħala favoriti hekk kif dan l-istaġun diġa rebħu erba’ unuri oħra, St Peter’s Żabbar mistennija jagħtu sfida.
Il-finali għat-Trofew tal-Anġlu tibda fis-6 ta’ filgħaxija.
