Erba’ timijiet jinsabu fil-quċċata tal-klassifika tal-kampjonat tal-ewwel diviżjoni tal-Federazzjoni Boċċi. Fl-għaxar ġurnata ta’ logħob spikkat it-telfa ta’Għaxaq f’darhom kontra Buġibba bl-iskor ta’ 21 ghal 15.
Min-naħa l-oħra rebħiet ghal Msida kontra Qormi San Bastjan, St Peters Żabbar kontra Lija u Żebbuġ fuq Żabbar biex issa kollha laħqu lil Għaxaq fl-ewwel post bi tmien punti. Fit-tieni post hemm Buġibba b’seba’ punti.
Riżultati (1 Diviżjoni)
Għaxaq 15-21 Buġibba
Qormi SB 17-21 Msida
Żebbuġ 21-0 Żabbar
MMxetto 6-21 Żurrieq
Lija 12-21 St Peters Żabbar
Fit-tieni diviżjoni Birikrkara irreġistraw l-għaxar rebħa tal-istaġun meta għelbu lil Sta Venera 21 għal 2 biex saħħew posthom f’ras il-klassifika. Huma għandhom vantaġġ ta’ żewġ punti fuq Birgu li ġew megħluba f’darhom minn Birżebbuġa bl-iskor ta’ 21 għal 20 f’logħba missielta.
Riżultati (2 Diviżjoni)
Sta Lucija 20 – 21 Cospicua Rangers
Birgu 20- 21 Birzebbuġa
Zejtun 21 – 8 Tarxien
St Venera 2 – 21 Birkirkara
Bormla 21 – 15 Thalassalejn
Floriana 21 – 17 Mosta
Fit-tielet diviżjoni tkompli l-isfida bejn tliet timijiet. Luqa, Fgura u Kalkara qed jaqsmu l-ewwel post tal-klassifika b’total ta’ disa’ punti hekk kif rebħu l-logħbiet tagħhom, rispettivament kontra San Ġwann, Pieta’ u Marsascala.
Qrendi jinsabu fit-tieni post b’sitt punti.
Riżultati (3 Divizjoni)
Kalkara 21-6 Marsascaka
Qormi SĠ 19-21 Qrendi
Valletta SP 21-12 Ħamrun
San Ġwann 19-21 Luqa
Fgura 21-2 Pieta’
