Buġibba huwa r-raba’ team li għadda għall-play-offs għar-rebħ tal-kampjonat tal-1 Diviżjoni hekk kif it-Tlieta filgħaxija intlagħbet l-aħħar ġurnata tal-ewwel fażi.
Fl-aħħar logħba tagħhom, Buġibba għelbu lil Msida 21-8 biex issa fil-play offs jilgħabu kontra Żebbuġ li temmew fl-ewwel post tal-klassifika. Fil-play off l-oħra jilgħabu Msida kontra Għaxaq.
Fil-logħbiet l-oħra tal-aħħar ġutrnata, Żebbuġ għelbu lil St. Peters Żabbar 21-8 biex spiċċaw l-ewwel fil-klassiifka filwaqt li Għaxaq ħadu rebħa kontra Isla biex spiċċaw fit-tielet post. Qormi San Bastjan għelbu lil Żabbar 21-10.
Żurrieq ingħataw rebħa kontra Paola Shrieber filwaqt li Marsamxett tilfu kontra Lija biex issa jilgħabu decider kontra Żabbar biex min jirbaħ minnhom iżomm postu fl-Ewwel Divizjoni.
Isla u Paola Shreiber l-istagun li ġej se jibdew mit-3 Divizjoni.
Intant l-erbgħa filgħaxija isir il-logħob mil-kampjonat tat-2 Diviżjoni b’żewġ logħbiet interessanti. Birgu jilqgħu f’darhom lil Birkirkara biex min jirbaħ jitla’ fl-ewwel post tal-klassifika. Logħba oħra mistennija hija dik bejn Mosta u Sta Venera fejn min jirbaħ iżomm postu fit-2 Diviżjoni filwaqt li min jitlef jisfa’ relegat.
