L-erbgħa filgħaxija kompla l-kampjonat tat-2 Divizjoni bil-programm ta’ logħob ta’ qabel l-aħħar. Filfatt il-ġimgħa d-dieħla tintlagħab l-aħħar ġurnata ta’ logħob mill-kampjonat biex imbgħad jingħata bidu għall-play offs.
Birkirkara, Birgu, Bormla u Birżebbuġa aċċertaw posthom mal-erbgħa biex b’hekk għaddew għall-play offs.
Birkirkara reġgħu telgħu fl-ewwel post tal-Klassifika Generali tat-Tieni Divizjoni, wara t-telfa li sofrew Birgu kontra Birżebbuġa.
B’hekk fil-klassifika Birkirkara għandom 18 il-punt, Birgu bi 17 il-punt, Bormla għandom 15 il-punt u Birċebbuġa għandom 14 il-punt.
Birkirkara ħarġu rebbieħa kontra t-tim ta’ Santa Venera bil-punteġġ komdu ta’ 21 ma 0.
Birżebbuġa laqgħu għandom lit-tim tal-Birgu, b’Birzebbugia rebħu dan il-konfront 21 ma 6.
Bormla ukoll rebħu lit-tim ta’ Thalassalejn barra min darhom 21 ma 17, biex issa għandom 15 il-punt.
Santa Lucija ħarġu rebbieħa kontra Cospicua Rangers 21 ma 19, biex Cospicua Rangers żammew posthom fit-Tieni Divizjoni u Santa Lucija ghandom 7 punti.
Tarxien u Żejtun ukoll assiguraw posthom flimkien mat-tim ta’ Zejtun. Tarxien ħarġu rebbieħa kontra t-tim taz-Zejtun 21 vs 14, biex iż-żewġ timijiet żammew posthom fit-Tieni Divizjoni. Żejtun għandom 10 punti u Tarxien għandom 9 punti.
Mosta ħarġu rebbieħa kontra Floriana 21 ma 5, biex it-tim furjaniz għandu 12 il-punt u żamm postu ukoll fit-Tieni Divizjoni.
Fin-naħa t’sfel tal-klassifika ġenerali tat-Tieni Divizjoni, naraw lit-timijiet ta’ Mosta u Santa Venera li tnejn għandhom 5punti kull wiehed, u bit-tim ta’ Thalassalejn ghandom 6 punti.
