Meta l-erbgħa filgħaxija kompla l-logħob mill-kampjonat tat-tieni diviżjoni tal-Federazzjoni Boċċi, Birkirkara u Birgu jinsabu jaqsmu l-ewwel post tal-klassifika bi 17-il punt kull wieħed.
Dan hekk kif Birgu ħarġu rebbieħa kotra Cospicua Rangers bl-iskor ta’ 21 għal 9 filwaqt li Birkirkara tilfu kontra Floriana bl-iskor ta’ 21 għal 12.
B’dawn ir-riżultati, Birgu laħqu lil Birkirkara fl-ewwel post tal-klassifika.
Min-naħa tagħhom Bormla għelbu lil Tarxien 21 għal 6 kontra, biex il-bormliżi jinsabu fit-tielet post tal-klassifika b’14-il punt. Isegwu Birżebbuġa bi 13-il punt u Floriana bi 12-il punt.
F’riżultati oħra, Birżebbuġa rebħu barra minn dahrom kontra Santa Venera 21-0, Santa Lucija għelbu lil Żejtun 21-18 filwaqt li Mosta rebħu lil Thalassalejn 21-18.
