San Ġwann Tiki Taka Youngsters rebħu r-Regional Knockout tal-Blackball meta fil-finali tal-bieraħ li ntlagħbet fil-Fuego Speakeasy f’Birkirkara għelbu lit-tim l-ieħor tagħhom San Ġwann Tiki Tika 11-8.
Kienet logħba hekk imsejħa bejn il-ħbieb li minkejja kollox kellha l-mumenti interessanti tagħha u fejn kollox kien inċert sal-aħħar. Iż-żewġ timijiet ta’ San Ġwann bdew jalternaw il-vantaġġ tagħhom għalkemm ħin minhom l-iskor kien 6-6. Kien fl-aħħar parti li Tiki Taka Youngsters bdew jirbħu frame wara l-ieħor sabiex kien Troy Zammit li daħħal il-boċċa rebbieħa u ta l-unur lit-tim tiegħu.
REKLAM
SKROLLJA BIEX TKOMPLI
Sadanittant illejla tintlagħab l-aħħar finali tal-ġimgħa fil-Blackball meta Ħamrun 147 A jilagħbu kontra Jojo’s Birżebbuġa bil-logħba li tibda fis-7.30pm.
