San Ġwann Nick’s A u Cospicua Rangers jinsabu fl-ewwel post tal-kampjonat nazzjonali tal-Blackball wara li kisbu rebħiet importanti fil-logħbiet tagħhom.
Kemm it-tim minn San Ġwann kif ukoll il-Bormliżi kisbu rebħiet identiċi ta’ 11-8 kontra Ħamrun 147 B u Qormi Anici A.
Fit-tielet post hemm Qormi Anici B li kellhom jikkuntentaw bi draw ta’ 10-10 kontra Jojo’s Birżebbuġa A. S’issa dawn it-tnejn għadhom l-uniċi timijiet bla telfa.
Ħamrun 147 A kisbu l-ewwel rebħa tal-istaġun wara telfa u draw hekk kif għelbu lil Valletta Breakwater 11-9.
Sadanittant fil-kampjonat reġjonali Ħamrun 147 C għadhom b’punti massimi minn tliet logħbiet. Il-Ħamis li għadda huma għelbu lil PL Balzan A 11-6.
Isegwu fit-tieni post hemm Domus Kids Żejtun A li rebħu 11-8 lil Selmun Bar A. Min-naħa l-oħra, f’logħba bilanċjata, Ħamrun 147 D u Valletta Fossa Boys A spiċċaw fi draw ta’ 10-10.
Fi grupp A tal-Community League, Qormi Anici D qed jimpressjonaw wara li għamluhom tliet rebħiet minn daqstant logħba wara skor pożittiv ta’ 11-8 kontra Juve Birkirkara B.
San Ġwann Tiki Taka litteralment iddominaw il-logħba kontra Selmun Bar C tant li rebħu 11-1 b’Birkirkara Boċċi li kienu aħjar minn San Ġwann Nick’s B tant li rebħu 11-6.
Kien hemm bilanċ assolut bejn PL Balzan B u Mrieħel Billiard House bl-iskor finali ta’ 10-10 li jixhed dan.
San Ġwann Tiki Taka B qegħdin fl-ewwel post ta’ grupp B tal-Community League wara li għelbu lil Juve Birkirkara A 11-4.
Qormi Anici C sofrew l-ewwel telfa staġjonali wara li ġew megħluba minn Valletta Fossa Boys B 11-7 filwaqt li Selmun Bar B kisbu l-ewwel tliet punti tal-istaġun wara skor ta’ 11-6 kontra Taċ-Ċaċċu Qormi.
Draw ieħor kien reġistrat fil-logħba bejn Domus Kids Żejtun B u Qormi Anici E wara skor ta’ 10-10.
KLASSIFIKA – KAMPJONAT NAZZJONALI
San Ġwann Nick’s A, Cospicua Rangers 6, Qormi Anici B 5, Ħamrun 147 A 4, Jojo’s Birżebbuġa A, Valletta Breakwater 3, Qormi Anici A, Ħamrun 147 B 2
KLASSIFIKA – KAMPJONAT REĠJONALI
Ħamrun 147 C 9, Domus Kids Żejtun A 5, PL Balzan A 4, Selmun Bar A 3, Valletta Fossa Boys A 2, Ħamrun 147 D 1, Każin Pinto Qormi A 0
KLASSIFIKA – COMMUNITY LEAGUE – GRUPP A
Qormi Anici D 9, San Ġwann Tiki Taka, Birkirkara Boċċi 6, Mrieħel Billiard House, PL Balzan B 4, San Ġwann Nick’s B, Juve Birkirkara B 3, Selmun Bar C 0
KLASSIFIKA – COMMUNITY LEAGUE – GRUPP B
San Ġwann Tiki Taka B 9, Qormi Anici 6, Qormi Anici E, Taċ-Ċaċċu Qormi, Juve Birkirkara A 4, Valletta Fossa Boys B, Selmun Bar B 3, Domus Kids Żejtun B 1.
