Ryan Pisani rebaħ ir-raba’ ranking tournament organizzat mill-Malta Blackball Federation meta f’finali ferm missielta għeleb lil Warren Falzon 10-8.
Falzon kellu l-ewwel parti tal-logħba li kienet waħda pożittiva tant li kien hemm mumenti fejn kien jinsab 6-2 minn fuq. Madankollu ħarġet id-determinazzjoni ta’ Pisani li baqa’ dejjem jiġri wara l-avversarju fejn l-aħħar parti tal-finali kienet kollha kemm hi tiegħu.
Sadanittant, matul din il-ġimgħa beda l-ħames ranking tournament li minnu r-rebbieħ jieħu l-punti li eventwalment iservuh sabiex jissielet għall-post mat-tim nazzjonali Malti li se jieħu sehem fil-kampjonat Ewropew tal-Blackball li se jsir f’pajjiżna f’Novembru li ġej.
REKLAM
SKROLLJA BIEX TKOMPLI
