Il-Malta Blackball Federation organizzat l-ewwel kampjonat nazzjonali tan-nisa fil-Juventus Club Vero Amore f’Birkirkara.
Disa’ plejers femminili qed jieħdu sehem f’dan il-turnament u dawn huma Lorna Micallef, Donna Bugeja, Alesia Cassano, Ana Thomas, Roberta Cutajar, Caroline Grech, Triziane Farrugia, Marie Stiven u Vanessa Tedesco.
Fl-ewwel ġurnata ta’ logħob spikkat Roberta Cutajar li tinsab fl-ewwel post tal-klassifika b’punti massimi wara rebħiet ta’ 6-4 kontra Donna Bugeja u 6-2 kontra Lorna Micallef.
Caroline Grech tinsab fit-tieni post b’rebħa u draw wara skor ta’ 6-4 kontra Ana Thomas u 5-5 kontra Donna Bugeja.
F’aktar logħbiet, Alexia Cassar iddominat il-konfront kontra Lorna Micallef 6-0, Triziane Farrugia għelbet 6-3 lil Vanessa Tedesco, l-istess kif għamlet Ana Thomas kontra Triziane Farrugia.
Il-logħob ikompli fit-3 ta’ Mejju fejn jintlagħbu t-tielet u r-raba’ round ta’ logħob.
