Iċ-champion renjanti Dejan Grech ftit sab diffikulta’ sabiex għeleb lil Stephen Mangion 7-2 filwaqt li ċ-champion ta’ sentejn ilu Clayton Castaldi kellu jitħabat mhux ftit sabiex rebaħ lil Scott Muscat 7-6. Anke Miguel Mizzi u Ryan Pisani rebħu bl-istess skor lil Liam Mifsud u Clint Azzopardi rispettivament.
Johan Attard kompla jżomm il-konsistenza fil-forma tiegħu wara li għelbu lil Miguel Amato 7-3 filwaqt li Mevrick Zammit kiseb rebħa tajba ta’ 7-2 kontra Kevin Schembri.
Lydon Debono kellu wirja impekkabbli kontra Gary Carr sabiex rebaħ il-konfront 7-4.
Finalment kien hemm dominanza assoluta ta’ Leon Azzopardi li għeleb lil Jesmond Schembri 7-0.
Sadanittant, fil-kwarti tal-finali li se jintlagħbu nhar it-Tnejn li ġej, Dejan Grech jilgħab kontra Miguel Mizzi, Johan Attard jaffaċċja lil Lydan Debono, Mevrick Zammit joħodha kontra Ryan Pisani filwaqt li Leon Azzopardi jaffronta lil Clayton Castaldi.
