Il-Malta Blackball Federation b’kontingent ta’ 40 plejer jinsabu Albi li jinsab fir-reġjun ta’ Toulouse fi Franza hekk kif qed jieħdu sehem fil-kampjonat ta’ dinja tal- Blackball.
Dawn qed isiru f’Parc des Expositions li hi attrezzata ferm għal dan l-isport.
Dan iċ-ċentru għandu 20 mejda għat-taħriġ u 40 mejda fejn qed tintlagħab din il-kompetizzjoni.
It-tim Malti qed jipparteċipa fi tliet kategoriji ta’ timijiet bit-tim tal-irġiel li bħala tim manager għandhom lil Clevion Micallef , it-tim ta’ plejers il-fuq minn 40 sena imexxi mit- team manager Ishmael Hatherly u t-tim taż-żgħażagħ li bħala tim manager għandu lil Robert Attard.
Barra minn hekk il-plejers Maltin qed jikkompetu fil-kompetizzjonijiet tas-singles u d-doubles, bi Clint Azzopardi u Lydan Debono jiddefendu t-titlu mondjali li kienu rebħu fil-kompetizzjoni tas-2018 fil-belt ta’ Bridlington fl-Ingilterra.
