It-timijiet nazzjonali tal-Blackball se jidħlu fl-azzjoni llum fl-ewwel ġurnata tat-tazza tan-nazzjonijiet 2025 li qed issir fil-belt Ingliża ta’ Bridlington bejn nhar is-Sibt 5 t’April u l-Erbgħa 16 t’April.
B’kollox hemm se jkun hemm seba’ kategoriji li se jieħdu sehem f’din il-kompetizzjoni li ntgħażlu wara numru ta’ tournaments ta’ kwalifikazzjoni li ntlagħbu f’dawn l-aħħar ġimgħat.
Illum jidħlu fl-azzjoni t-timijiet tal-irġiel, Masters u Seniors li għandhom numru ta’ logħbiet. Ilbieraħ il-plejers Maltin kellhom iċ-ċans jaraw is-sala pittoreska ta’ Bridlington Spa fejn kellhom anke ċ-ċans jitħarrġu għall-ewwel darba fuq l-imwejjed.
B’kollox se jieħdu sehem 12-il pajjiż maqsuma f’128 tim u aktar minn 850 plejer.
Sadanittant dan hu l-programm tal-ewwel ġurnata ta’ logħob għat-timijiet Maltin huwa dan:
10.00am – Masters – Ġibilta’ vs Malta A
10.00am – Irġiel – Malta vs Ġibilta’
10:00am – Seniors – Irlanda ta’ Fuq vs Malta A
1.00 pm – Seniors – Irlanda B vs Malta B
1:00 pm – Irġiel – Awstralja B vs Malta B
4.00pm – Irġiel – Irlanda ta’ Fuq A vs Malta A
7:00 pm – Seniors – Malta A vs Afrika t’Isfel A
7:00 pm – Seniors – Malta B vs Wales B
