Ħamrun 147 A telgħu fit-tieni post tal-klassifika tan-National League tal-Blackball żewġ punti taħt il-leaders Ħamrun 147 B meta rebħu lil Valletta Breakwater 11-5 f’logħba ferm missielta. B’din il-ħames rebħa tal-istaġun, il-Ħamruniżi qabżu lill-Beltin fil-klassifika.
Aktar qabel, l-istess Valletta Breakwater kellhom rebħa tajba ta’ 11-8 kontra Cospicua Rangers sabiex għallinqas żammew il-pass ma’ ta’ fuq.
Fir-Regional League, Birkirkara Youngsters għadhom fl-ewwel post wara li ddominaw il-konfront tagħhom kontra Juve Birkirkara A 11-0.
Fit-tieni post hemm Birkirkara Duke’s A u Mosta St Mary’s A li rebħu l-logħbiet tagħhom kontra San Ġwann Nick’s A 11-9 u Każin Pinto Qormi B 11-8.
F’aktar logħbiet, Ħamrun 147 C saħħew is-sitt post tal-klassifika wara skor ta’ 11-8 kontra San Ġwann White Hart filwaqt li Birkirkara Boċċi ma sabuhiex faċli kontra Selmun Bar A għalkemm rebħu 11-9.
Fi grupp A tal-Community League, Valletta Fossa Boys u Juve Birkirkara B jinsabu jaqsmu l-ewwel post wara li rebħu bl-iskor identiku ta’ 11-5 konra Selmun Bar C u Domus Kids Żejtun rispettivament.
Birkirkara Duke’s B għelbu lil PL Balzan A 11-8 f’logħba oħra li ntlagħbet.
Fi grupp B, PL Balzan B komplew iżommu l-konsistenza wara li għelbu lil Mosta St Mary’s C 11-3 sabiex baqgħu jżommu l-quċċata u jinsabu jgawdu tliet punti vantaġġ fuq Ħamrun 147 D li min-naħa tagħhom rebħu lil PN Mġarr 11-7.
Taċ-Ċaċċu Qormi kisbu t-tielet rebħa staġjonali wara li fid-dwell tan-naħa t’isfel tal-klassifika għelbu lil San Ġwann Nick’s B 11-3.
KLASSIFIKA – NATIONAL LEAGUE
Ħamrun 147 B 18, Ħamrun 147 A 16, Valletta Breakwater 15, Cospicua Rangers 13, Jojo’s Birżebbuġa A 3, Każin Pinto A 0
KLASSIFIKA – REGIONAL LEAGUE:
Birkirkara Youngsters 37, Birkirkara Duke’s A , Mosta St Mary’s A 35, San Ġwann Nick’s A 31, Birkirkara Boċċi 24, Ħamrun 147 C 23, Selmun Bar A 22, Każin Pinto Qormi B 16, San Ġwann White Hart 6, Juve Birkirkara A 3.
KLASSIFIKA – COMMUNITY LEAGUE – Grupp A
Valletta Fossa Boys, Juve Birkirkara B 22, Jojo’s Birżebbuġa B, Birkirkara Duke’s B 18, Domus Kids Żejtun 13, Mosta St Mary’s B 6, Selmun Bar C 4, PL Balzan 0
KLASSIFIKA COMMUNITY LEAGUE – Grupp B PL Balzan B 24, Ħamrun 147 D 21, Selmun Bar B 18, Mosta St Mary’s C 10, PN Mġarr, Di Santos Qormi, Taċ-Ċaċċu Qormi 9, San Ġwann Nick’s B 7
