L-attakant mill-Ghana Seth Paintsil se jkompli bil-karriera tiegħu f’Malta hekk ftit tal-ħin ilu wasal fi ftehim u saħansitra ffirma kuntratt mal-leaders tat-360Sport Malta Premier, Birkirkara F.C.
Paintsil, li għandu 28 sena, rebaħ il-Kampjonat ma’ Hamrun Spartans Football l-istaġun li għadda iżda ċ-ċampjins renjanti ma’ kienux interessati iżjed fis-servizz tiegħu. Il-plejer kien liberu u wara numru ta’ ġranet f’diskussjonijiet mar-rappreżentanti tal-plejer, it-tmexxija ta’ Birkirkara irnexxilhom jakkwistaw il-firma tal-plejer.
Dan ifisser li Paintsil jista jkun għad-dispożizzjoni tal-kowċ Stefano De Angelis b’mod immedjat u ma hemmx għalfejn jistennew sat-tieqa tat-trasferimenti ta’ Jannar sabiex ikun involut.
Bla dubju, l-akkwist ta’ Paintsil se jkun akkwist importanti għal stripes fit-tentattiv li huma jilħqu t-tragwardi tagħhom għal dan l-istaġun.
Dan it-trasferiment ifisser ukoll li Paintsil u l-kowċ De Angelis se jerġgħu jaħdmu flimkien wara l-esperjenza tagħhom mal-Spartans.
