Erbat irġiel u tliet nisa Maltin, li l-età tagħhom tvarja bejn it-18 u s-47 sena, ġew arrestati waqt rejd li sar fi Triq Alessandra f’Bormla.
Allegatament kien qed isir traffikar ta’ diversi tipi ta’ droga illeċita, u mit-tfittxija li saret instabet droga lesta għat-traffikar, fosthom eroina, kokaina, kannabis u crack cocaine.
Is-seba’ persuni ttieħdu fil-Kwartieri Ġenerali tal-Pulizija għal aktar stħarriġ, u l-investigazzjonijiet tal-Pulizija għadhom għaddejjin.
