One.com.mt jinsab infurmat li għall-ħabta tas-1:30 ta’ dalgħodu karozza tal-għamla BMW, inqerdet bin-nar.
Il-każ seħħ fi Triq Ġużè Bartolo, is-Siġġiewi.
Fuq il-post issejħet l-għajnuna ta’ membri tal-Protezzjoni Ċivili, li rnexxielhom jikkontrollaw in-nirien. Fi triq kien hemm ukoll membri tal-Pulizija.
Ħadd ma weġġa’ f’dan il-każ. Ħdejn il-karozza kien hemm karozza oħra pparkjata li tneħħiet fil-ħin u għalhekk ma ġarrbet l-ebda ħsara.
B’rabta ma’ dan il-każ infetħet inkjesta mmexxija mill-Maġistrat Neville Camilleri.
