Tmiem is-sena u l-ewwel sigħat tas-sena l-ġdida raw follol kbar ta’ nies f’Għawdex li mlew iż-żewġ pjazzeż ewlenin fir-Rabat u t-toroq tal-madwar sas-sigħat bikrin ta’ dalgħodu.
B’countdown spattakolari ta’ mużika u dawl, dawk li attendew gawdew mill-aqwa mużika u talent li flimkien ħolqu atmosfera mill-aqwa, bil-parteċipazzjoni tal-kantanta Ingliża Becky Hill li għal siegħa sħiħa kantant l-aqwa suċċessi mużikali tagħha.
Spikka wkoll it-talent Għawdxi permezz tal-kantanta rebbieħa ta’ XFactor u rappreżentanta ta’ Malta fil-Eurovision Song Contest għas-sena 2019, Michela Pace. Ħadu sehem ukoll il-Big Band, DCapitals, Matthew James, Francesca Borg u Kelsey Bellante. Il-mużika kompliet matul il-lejl permezz ta’ afterparty mill-aqwa mid-DJ popolari Malti JJoy.
Din l-attivita’ kienet organizzata mill-Ministeru għal Għawdex.
