Anzjan ta’ 75 sena minn Tas-Sliema, sfortunatament tilef ħajtu waqt li kien qiegħed jgħum fil-Bajja tal-Exiles.
Fi stqarrija l-pulizija qalet li ġiet imsejħa fit-8:00 ta’ filgħodu.
Ir-raġel ittella’ mill-baħar minn xi persuni li kienu fl-akwati hekk kif innutaw li r-raġel jinsab wiċċu ‘l isfel fl-ilma.
Il-pulizija mill-għassa ta’ San Ġiljan sabu lir-raġel bla ħajja fuq il-blat.
Ir-raġel ġie ċċertifikat mejjet fuq il-post.
Bil-każ infetħet inkjesta mmexxija mill-Maġistrat Dr Josette Demicoli li ħatret diversi esperti sabiex jassistuha.
Aqra wkoll:
https://www.one.com.mt/2020/06/24/patri-victor-enriquez-huwa-l-anzjan-ta-75-sena-li-miet-dalghodu-waqt-li-kien-qed-jghum-fil-bajja-tal-exiles/
