Bint il-vittma Rita Ellul, li nqatlet fgata u fuq il-qtil hemm raġel mixli, irringrazzjat lill-Korp tal-Pulizija għax-xogħol siewi fl-investigazzjonijiet.
Bint il-vittma ħasset li għandha tikteb fuq facebook quddiem kummenti li l-Pulizija setgħet ma għamlitx xogħolha sew, iżda bint il-vittma ċċarat li ma għandhiex kliem biżżejjed biex tirringrazzja lill-pulizija għax-xogħol li qed isir.
Saħqet li dan huwa s-sentiment tal-qraba kollha tal-vittma u rringrazzjat b’mod personali lill-Ispettur Kurt Zahra mill-Iskwadra tal-Omiċidji.
Ilbieraħ fil-Qorti t’Għawdex Lawrence Abina ta’ 30 sena mill-Ghana ċaħad l-akkużi u baqa’ jinżamm arrestat.
Quddiem il-Maġistrat Bridgette Sultana, il-Pulizija xliet lil Abina li qatel lil Rita Ellul, li nstabet fuq is-sodda f’dar f’residenza f’Għajnsielem.
