Biljunarju Ġappuniż qed iffitex ‘xi ħadd speċjali’ biex jingħaqad miegħu għal vjaġġ fuq il-qamar fuq ir-rocket SpaceX.
Yusaku Maezawa li għandu 44 sena qed jilqa’ applikazzjonijiet mingħand nisa single ta’ 20 sena jew aktar li jħobbu l-ħajja biex fis-sena 2023 imorru miegħu fuq vjaġġ uniku fuq il-qamar.
Maezawa, li għadu kif infired minn mal-attriċi Ġappuniża Ayame Goriki.
Il-proċess tal-għażla għall-mara ideali għal fuq il-qamar se jiġi dokumentat bil-għan li aktar ‘il quddiem jidher fuq programm televiżiv bl-isem ta’ ‘Full Moon Lovers’.
Dawk in-nisa interessati għandhom sas-17 ta’ dan ix-xahar biex japplikaw, u l-għażla se ssir fl-aħħar ta’ Marzu, wara li Yusaku Maezawa jiltaqa’ man-nisa li japplikaw.
