Fil-konfront tant mistenni ta’ tmiem il-ġimgħa bejn Floriana u Hibernains irrenja bilanċ assolut hekk kif dawn iż-żewġ timijiet temmew il-konfront ta’ bejniethom fi draw ġust ta’ 1-1.
Iż-żewġ timijiet kellhom il-waqtiet pożittivi tagħhom fil-partita bi Floriana jamministraw il-logħob sa madwar is-siegħa logħob iżda mbagħad wara li tkeċċa għalihom il-captain Oualid El Hasni, Hibernians wettqu reazzjoni tajba u kisbu d-draw b’mod meritat.
Kienu Hibernians li ħolqu l-ewwel periklu wara biss żewġ minuti meta wara li rċieva minn cross mix-xellug, iż-żagħżugħ ta’ 19-il sena Isaiah Chukunyere kelllu d-daqqa ta’ ras tiegħu minn ġol-kaxxa tintemm ftit barra.
Floriana wieġbu fis-16-il minuta permezz ta’ xutt fil-baxx mid-distanza ta’ Matias Nicolas Garcia li ġie salvat mingħajr wisq diffikultá mill-goalkeeper ta’ Hibernians, Hugo Sacco.
Huma komplew jiddettaw il-logħob u fit-33 minuta kellhom ferħa bla temma meta Carlo Zammit Lonardelli permezz ta’ daqqa ta’ ras ill-viċin tefa’ ġewwa, iżda r-referee Ishmael Barbara kien pront u ħassar dan il-goal minħabba offside.
Fil-ftuħ tat-tieni taqsima Floriana ħarġu ferm aggressivi u ta’ dan ġew ippremjati meta fil-50 minuta fetħu l-iskor permezz ta’ ġmiel ta’ xutt mid-distanza ta’ FRANKLIN SASERE, li ma l-ebda ċans lill-goalkeeper tal-Pawlsiti, Hugo Sacco, biex b’hekk wara d-doppjetta personali li rreġistra kontra Naxxar Lions fil-partita preċedenti, dan kien it-tielet goal staġjonali tiegħu.
Iżda disa’ minuti wara, il-Greens qalgħu daqqa ta’ ħarta meta spiċċaw jilagħbu b’10 players meta tkeċċa għalihom il-player Oualid El Hasni permezz ta’ karta ħamra diretta wara foul ikrah li wettaq fuq Natha Felico Carvalho.
Hibernians bdew japprofittaw mill-fatt li bdew jilagħbu bi player iktar, bil-pressjoni tagħhom fuq il-lasti avversaraji tkun waħda iktar insistenti u fl-74 minuta, daqqa ta’ ras ta’ Rodrigo Fraga minn qagħda ideali rriżultat bħala waħda wisq fraġli u ġiet salvata mingħajr diffikultá mill-goalkeeper ta’ Floriana, Christoffer Mafoumbi.
Huma komplew jiddettaw il-logħob u fil-81 minuta meritatament ġabu l-iskor indaqs meta minn azzjoni ta’ corner ALEX BRUNO DA SOUZA SILVA qabeż player avversarju qabel spara l-ballun fis-saqaf tax-xibka.
Fil-ħin miżjud kien imiss lil Hibernians li jispiċċaw jilagħbu b’10 players meta tkeċċa għalihom il-player Brażiljan Higor Fernandes Alves wara li rċieva żewġ karti sofor fil-partita.
L-iskor baqa’ ma nbidilx sa tmiem il-partita, biż-żewġ timijiet jieħdu punt kull wieħed.
Referee: Ishmael Barbara
Plejer tal-Logħba: Franklin Sasere (Floriana FC)
