Eliana Gomez Blanco, ir-rappreżentanta Maltija għall-Junior Eurovision Song Contest kellha l-ewwel prova tagħha fuq il-palk fil-Polonja.
Waħidha u b’messaġġ b’saħħtu tal-kanzunetta ‘We Are More’, Eliana tat interpretazzjoni tajba ħafna.
Il-kulur vjola, id-dawl blu u l-isfond aħmar kienu l-kuluri ewlenin li spikkaw fil-preżentazzjoni tal-kanzunetta Maltija.
Il-kantanta ta’ 14-il sena tinsab sodisfatta bl-ewwel prova f’dan il-festival li ntrebaħ darbtejn minn Malta.
Aktar qabel sar magħruf li Malta se tkanta fit-8 pożizzjoni f’dan il-festival.
Fil-Junior Eurovision ta’ din is-sena hemm 19-il pajjiż qed jikkompetu u Spanja rritornaw f’dan il-festival wara nuqqas ta’ 13-il sena.
Ritratti u filmat: Junioreurovision.tv
