It-28 ta’ Settembru ma mmarkax ir-ritorn fl-iskejjel tal-edukaturi biss imma anki xi studenti, fosthom dawk li jattendu skejjel privati, irritornaw lura fuq il-bankijiet tal-iskola.
Għall-ħabta tas-siegħa u nofs ta’ waranofsinhar, crew ta’ dan l-istazzjon kien quddiem skola f’Pembroke, fejn kien hemm il-ġenituri tat-tfal jistennewhom, b’distanza bejniethom u lkoll lebsin il-maskri.
Tkellimna ma’ wħud miċ-ċkejknin dwar l-esperjenza tagħhom lura l-iskola wara nuqqas ta’ aktar minn sitt xhur.
