Fil-Bażilika ta’ Kristu Re f’Raħal Ġdid bħalissa qed tingħata l-aħħar tislima lill-Anthony Bezzina, li għal għexieren ta’ snin serva bħala President tal-Klabb tal-futbol tal-Hiberians.
Il-funeral se jitmexxa minn Fr Hilary Tagliaferro, ħabib kbir ta’ Bezzina fil-kamp sportiv.
Preżenti, flimkien mal-qraba, hawn bosta plejers tal-Hibs u wċuħ familjari ma’ dan il-qasam.
Il-quddiesa funebri qed issir bir-restrizzjonijiet u protokolli kollha tal-Awtoritajiet tas-Saħħa.
